影片
更多
2022-11-06
77 浏览
餐廳內的空間感，燈光也令人覺得舒服，十分切合日式懷舊的主題，和式風格濃烈主要和男友點了2份定食，1杯昭和の富士山，1客墨魚咀和1份甜品。小吃墨魚咀對我們來說有驚喜，十分足料，唔係細細粒敷衍你嗰隻，係大大粒而且10分有咬口，外皮酥脆得來唔會裹好厚嘅粉/麵糊扮大粒。定食黎講我哋嗌咗燒三文魚扒同日式壽喜燒慢煮牛肉，我比較喜歡後者，牛肉滑嫩唔老，配埋壽喜燒醬汁好濃郁，定食整體份量同主食唔算少，有飯有湯有蒸蛋有漬物有枝豆，鍾意佢個蜆湯，好鮮甜。飲品嚟講雖然我唔係咁鍾意飲甜嘅汽水或者梳打，但嚟呢種以昭和年代作為主題嘅餐廳點可以唔試，而且佢飲落去都唔會好死甜，同男朋友share還是可以的。車厘子配上雪糕放喺好有夏天感覺嘅青藍色梳打，打卡一流！好有復古昭和年代感覺，昭和雪糕梳打呢種飲品根本就係昭和年代嘅靈魂所在。甜品本身想試個昭和布甸，但係佢哋已經換咗Menu，覺得有啲可惜。試咗鮮果焙茶麻薯卷蛋，呢一款甜品嘅味道唔會咁膩，比較適合鍾意茶香味嘅人，蛋糕係濕潤一啲都唔乾，蛋糕上面嘅奶油都好有奶香味，而且唔會食濟你。而麻薯就係呢款甜品嘅主角，好Q彈煙韌香甜，同淡淡茶香嘅焙茶蛋糕好夾。可能因為前面食得太飽所以
主要和男友點了2份定食，1杯昭和の富士山，1客墨魚咀和1份甜品。
小吃墨魚咀對我們來說有驚喜，十分足料，唔係細細粒敷衍你嗰隻，係大大粒而且10分有咬口，外皮酥脆得來唔會裹好厚嘅粉/麵糊扮大粒。
定食黎講我哋嗌咗燒三文魚扒同日式壽喜燒慢煮牛肉，我比較喜歡後者，牛肉滑嫩唔老，配埋壽喜燒醬汁好濃郁，定食整體份量同主食唔算少，有飯有湯有蒸蛋有漬物有枝豆，鍾意佢個蜆湯，好鮮甜。
飲品嚟講雖然我唔係咁鍾意飲甜嘅汽水或者梳打，但嚟呢種以昭和年代作為主題嘅餐廳點可以唔試，而且佢飲落去都唔會好死甜，同男朋友share還是可以的。車厘子配上雪糕放喺好有夏天感覺嘅青藍色梳打，打卡一流！好有復古昭和年代感覺，昭和雪糕梳打呢種飲品根本就係昭和年代嘅靈魂所在。
甜品本身想試個昭和布甸，但係佢哋已經換咗Menu，覺得有啲可惜。試咗鮮果焙茶麻薯卷蛋，呢一款甜品嘅味道唔會咁膩，比較適合鍾意茶香味嘅人，蛋糕係濕潤一啲都唔乾，蛋糕上面嘅奶油都好有奶香味，而且唔會食濟你。而麻薯就係呢款甜品嘅主角，好Q彈煙韌香甜，同淡淡茶香嘅焙茶蛋糕好夾。可能因為前面食得太飽所以兩個人share一個甜品都已經好足夠，但係如果冇試定食嘅人建議可以嗌兩款甜品試。
成個用餐體驗好滿足，食物質素同份量對得住食物價錢，份量來講同其他一般主打和式定食嘅餐廳係有分別，令人感覺好實在，餐廳整體來講服務都好好，店員都好親切有禮。
5 浏览
0 赞好
0 留言
张贴
