小王牛肉麵 (已結業)

雖然我已經差唔多每年飛台灣一次，但台灣嘢總係食唔厭嘅。今次食到我好鬼掛住嘅麻油雞外，亦同時試咗新嘢，唔錯唔錯。蛋黃小卷第一次食，係比餐牌上嘅賣相吸引咗。中間係蛋黃加蔬菜同火腿，外面用魷魚筒包住，所以係蛋黃小卷。就咁食會好乾身，所以碟邊有預備咗沙律醬嘅。（之後旁邊兩枱客都有點呢個）牛肉麵朋友點嘅，好大碗下，但由於本人對牛肉麵唔太偏好，所以覺得還 OK 啦！魯肉飯就咁食魯肉飯冇乜餸好似好齋，有或者會唔會唔夠飽？唔會啦，因為佢係用嚟配我嘅麻油雞湯架！麻油雞湯台灣朋友嘅介紹下一試難忘，所以特登點嚟重拾下旅行嘅感覺。麻油雞湯係非常重口味而且好油膩下，所以未必每個人都鍾意。呢個湯好補身好適合女士飲用，啲人生完 BB 都係飲佢調理身體架！呢度整得麻油味好香，薑味好重（你睇到成煲都係薑就知道啦），不過酒味濃返啲啲就更好！凍黑糖牛奶 & 黑糖薑母茶飲完麻油雞湯再飲黑糖薑母茶，好薑呀，不過成身暖晒！朋友話黑糖牛奶都唔錯。