香馥樓

营业中

休息中

呢間飯店我食過幾次，出品好緻，味道又ok。今次試啲其他菜式，果然沒有令我失望。個杏汁菜膽燉白肺湯好香杏汁味，個湯好濃鬱但係唔鹹，全程用火暖住，可以慢慢飲。花雕雞肉質非常嫩滑。香芒除蝦球，脆漿做得好脆，夾埋香芒同埋沙律醬，真係好惹味。小炒王係功夫菜，魚乾仔好酥脆，加入蝦球同帶子，應該改名做海鮮小炒王，所有材料炒埋一齊有唔同質感。呢個菜我係必嗌嘅。我老公成日唔知飽，覺得唔夠想嗌多碟餸。經理幾好人，叫我哋食住先，驚我哋食唔曬。結果呢餐飽得又舒服又滿足。飯店唔係太大，人多但唔嘈，好舒服，好啱傾計。我今日八點鐘先入座，爭啲要等位，真係好多人幫襯。