鮨悠 (已結業)

朋友移民在即，外國食日本菜比較貴，所以就同佢食餐Omakase當餞行。鮨悠同其他鮨店最大分別係每位食客黎到，店長會以茶道迎客。茶道嘅開端由和果子開始。之後店長會親自泡製抹茶，茶味回甘，正好中和剛才和果子嘅甜膩。朋友鍾意清酒，我地就叫左哩枝浦霞12，口感清爽甘甜，都算易入口。我自己唔太好清酒，只係小酌幾杯，另外叫左哩杯桃汁，離遠已經聞倒桃香味，又唔會太甜。Omakase套餐分左兩個價位，分別係悠($1,480/人)同悠($1,880/人)，我地揀左後者，最大分別係多左刺身同和食，不過壽司就會少左，如果想食飽啲就建議揀前者。先黎前菜三點，順時針方向分別係蟹羊羹、伊達玉子同白梅貝，特別鍾意伊蛋王子，幾滑唔好太甜。鮫蝶魚魚邊三食 - 同一款魚，唔同切法令口感稍有不同，爽口得黎唔會太油。北海道真蠔雖然唔算好大隻，不過都肥美飽滿，配以土佐醋食，酸酸地幾開胃。鰹魚bb刺身厚切油潤，旁邊俾大量鰹魚碎圍住，令口感更豐富。北海道赤貝、北寄貝 - 兩款刺身都好爽口，不過我就鍾意前者多啲，因為佢多左陣爽甜味。北海道毛蟹已經去殼，啖啖肉食得方便，蟹肉仲帶少少海水鹹味，旁邊係毛蟹蟹膏，味道非常濃郁。間八黎自鹿兒島