Neko Puff (已結業)

每次去屯門巿廣場逛街都會被這間餅店吸引，今次終於出手買了一個回家慢慢品嚐。係網上睇下呢間餅店的資料，先發現來頭一D都唔細，出品的拿破崙曾經奪得世界冠軍，材料方面仲要係法國直送之原材料製作，難怪味道如此出眾。為了保持拿破崙蛋糕的質素，全部都是即叫即焗，需要1小時前預訂，如果唔想等太耐，可以選擇親臨又或者whatsapp落單。焦糖燉蛋拿破崙 – 一打開個盒，已經香氣撲鼻，在沒有預計咁好食既情況下品嚐第一口，實在太令人驚喜。三層酥皮，充滿牛油香，亦都十分酥脆，配上非一般餅店可媲美的忌廉，忌廉真的份外軟綿，而味道是微甜而又不會感覺太膩，忍不住吃完一啖又一啖，令人齒頰留香，回味無窮。