影片
更多
2022-11-01
119 浏览
康城個商場都係近幾年都陸陸續續有連鎖集團進駐，今次新開嘅樂天經典。樂天集團其實都紥根香港好多年，旗下嘅樂天皇朝嘅小籠包無人不曉。樂天經典主打新加坡菜，為香港人帶黎唔同嘅各國美食。餐廳位於Lohas Park 4/f, 地方寬敞，坐得舒服，唔會好逼挾，啱晒親朋好友，三五知己食飯傾計。餐廳裝修簡約，牆上壁畫帶有新加坡文化氣息，令人覺得置身在獅城。👉🏽獅城名菜黑胡椒蟹睇個蟹蓋已經知道好大隻,份量十足！黑胡椒味重，好香，但唔會好辣，對於香港人口味係啱啱好，連我唔係好食辣嘅朋友都話入到口，唔洗狂飲水。蟹肉啖啖肉，肉質結實鮮甜，黑胡椒唔會搶左蟹肉嘅鮮味，反而胡椒的香吊出左蟹嘅甜。👉🏽黃金魚皮💰78HKD呢個都係新加坡名物，平時食開果d零食簡直無得比，新鮮炸嘅魚皮又熱又脆，炸得好乾身，唔會覺得好油膩，咸蛋黃嘅口感好香又綿，但唔會搶晒d味道，空口食又得，送飯食又得，一樣咁好味。👉🏽新加坡海南雞飯餐💰88HKD賣相一流，黃油雞皮，一睇就知好滑。雞肉去骨，非常嫩滑，火喉控制非常好，雞肉啱啱好熟，少少老嘅感覺都無，入口好似滑入去咁，都唔洗點咀嚼。雞肉同皮之間無乜脂肪，應該係走地雞，所以雞肉滑得黎肉質都係結實
康城個商場都係近幾年都陸陸續續有連鎖集團進駐，今次新開嘅樂天經典。樂天集團其實都紥根香港好多年，旗下嘅樂天皇朝嘅小籠包無人不曉。樂天經典主打新加坡菜，為香港人帶黎唔同嘅各國美食。
餐廳位於Lohas Park 4/f, 地方寬敞，坐得舒服，唔會好逼挾，啱晒親朋好友，三五知己食飯傾計。餐廳裝修簡約，牆上壁畫帶有新加坡文化氣息，令人覺得置身在獅城。
👉🏽獅城名菜黑胡椒蟹
睇個蟹蓋已經知道好大隻,份量十足！黑胡椒味重，好香，但唔會好辣，對於香港人口味係啱啱好，連我唔係好食辣嘅朋友都話入到口，唔洗狂飲水。蟹肉啖啖肉，肉質結實鮮甜，黑胡椒唔會搶左蟹肉嘅鮮味，反而胡椒的香吊出左蟹嘅甜。
👉🏽黃金魚皮💰78HKD
呢個都係新加坡名物，平時食開果d零食簡直無得比，新鮮炸嘅魚皮又熱又脆，炸得好乾身，唔會覺得好油膩，咸蛋黃嘅口感好香又綿，但唔會搶晒d味道，空口食又得，送飯食又得，一樣咁好味。
👉🏽新加坡海南雞飯餐💰88HKD
賣相一流，黃油雞皮，一睇就知好滑。雞肉去骨，非常嫩滑，火喉控制非常好，雞肉啱啱好熟，少少老嘅感覺都無，入口好似滑入去咁，都唔洗點咀嚼。雞肉同皮之間無乜脂肪，應該係走地雞，所以雞肉滑得黎肉質都係結實嘅。冬瓜湯好清，唔會好濃味，應該無落味精，反而飲到冬瓜本身的甜味，非常舒服。
👉🏽蝦味魚子蝦球炒飯💰78HKD
炒飯粒粒分明，而且好乾身。蝦球好新鮮，肉質結實彈牙，魚子為個炒飯帶黎海洋的咸香味道，味道層次係豐富，好有馬拉特色。
👉🏽招牌酸柑香茅凍💰36HKD
最後要極力推介的是這道招牌甜品，賣相冇得輸，就好似小盆栽，用薄荷葉點綴格外吸睛，淨係聞已經好舒服，尤其係奇亞籽在口中與牙齒碰撞再淺嘗一啖啫喱的感，原來係咁夾，佢哋為味蕾帶黎清新的感覺，酸酸咪咪加上青檸的味道，令人回味無窮！
张贴
