三希樓 (利舞臺廣場)

营业中

休息中

辛苦咗成個月，終於可以放大假。呢個時候當然要去食好嘢慰勞吓自己。之前係網上有人推介銅鑼灣有間唔錯嘅川菜餐廳。而且Comment都幾好，所以就帶埋屋企人一齊去食好野😍🌟片皮鵝 （ 兩食）- 片皮鴨就食得多，但鵝都係第一次食！🦢鵝肉嘅肉質比鴨肉結實，味道偏濃，而且有好香嘅鵝味。😍堅係好食過片皮鴨！🌟杏汁豬肺湯 -非常足料去煲，🐷湯水煲到奶白色，味道十分清甜🥣，仲有好重嘅豬肺味，但一啲都唔覺得腥。呢個湯真係冇得彈！🌟金湯肥牛肉 - 🐮牛肉鮮嫩，再用麻辣湯汁去煮。牛肉吸哂麻辣湯汁🌶。成舊牛肉都有勁香嘅麻辣味。食落去真係由喉嚨椗到辣返岀黎🔥！超正。🌟泡椒石鍋田雞 - 勁驚喜嘅一個菜式🤩。第一次食田雞，感覺佢嘅肉質好滑。而🫑泡椒同辣椒令到田雞嘅味道更豐富。我幾鍾意！🌟正宗四川回鍋肉 - 賣相好吸引，廚師用咗正宗嘅🌶四川香料同🐷豬腩片一齊炒。辣味十足，超級惹味！值得推介嘅美食！