八歌仙 (家樂坊) (已結業)

今日OT 到好晏，所以就決定食埋飯先返屋企。之前聽同事講過係家樂坊上面有間唔錯嘅放題。所以今晚決定去嗰度開餐，食返夠本☺️💯澳洲和牛餐🉐呢個套餐價錢超級， 而且仲可以食到M7/8 同M9嘅和牛🐮。真係超正。雖然佢每日得四款選擇。但我都覺得已經好足夠。牛肉非常新鮮，而且牛肉嘅味道比普通牛肉濃郁。真係超好味！👍🏻💯活魚刺身🉐呢個好有驚喜，🐟刺身非常新鮮。只需要小小嘅Wasabi同日本豉油，就已經可以帶出佢嘅鮮味。呢個活魚除咗可以當刺身食之外，亦可以做火鍋材料之一。無論點樣食都十分鮮甜。👍🏻💯扇貝🉐呢個真係十分推介，扇貝又大又新鮮。而且味道鮮甜。我就比較鍾意食鐵板燒扇貝。個扇貝殼裝住晒啲汁。絕對係原汁原味。非常好食😋💯火鍋🉐呢度嘅火鍋湯底都十分出色！我分別叫咗壽喜燒同黑蒜豬骨。壽喜燒嘅味道比較清，啱同燒肉一齊食！黑蒜豬骨湯比較濃味。拎嚟打邊爐🥘完全可以帶出食物嘅鮮味。超正！除咗以上嘅食物之外，仲有炸物，壽司，一品料理同串燒都非常出色。絕對值得再嚟食！