初心 (珍珠樓) (已結業)

話說媽咪今日生日🎂年年都一定會岀去食大餐，但可惜今年冇得岀去食，大家都念住求求其其打下邊爐就算。點知我係媽咪生日前一個星期左右同朋友試左間新開既西餐，當日食左個牛油果帶子意粉🍝牛扒餐同埋叫左個小食芝士雞翼，但由於我同朋友都唔係相機食先既人，所以當日冇影到相😂不過個牛油果帶子意粉真係好岀識好有驚喜，炒得好香口，我最鍾意就係啲意粉唔會淋啤啤，最驚入到口成pat野咁，佢個芝士雞翼個汁好香濃，至於朋友食個個牛扒就不過不失，份量都好足夠，但就唔算好驚喜！可能係個意粉太好食😋期望高左。餐廳嘅環境好舒服，食完野同個朋友坐左陣傾吓計，餐廳出邊仲有個小花園，有個千秋可以打下卡🤪個日埋完單岀到門口見佢有到會Menu就即係念到媽咪生日可以叫而間到會。我訂左7:30去自取，去到佢每一個餸都會打開比我望一望，確保食物既質素，佢地預既時間岩岩好準時7:30拎得走👍🏻一打開果下啲香氣湧出嚟，我屋企人個個都讚不絕口👏🏻👏🏻👏🏻係咁話下次一定要去試下個堂食，因為始終堂食質素一定係更勝一籌👍🏻由於我屋企嗰個都係食肉獸，所以點左兩款肉，一個雞扒飯，一個黑松露炒雜菇同埋一個小食拼盤，呢間舖頭好細心，佢每個盒與盒之間都會放個暖