影片
更多
2019-12-13
100 浏览
九龍灣emax，一個除咗買車先會諗起嘅地方。近排由於想換車，又黎到呢個平日人影都唔多隻嘅商場。睇咗一陣，晚飯時間又到，望見一間又一間無開嘅食肆，友人本來提議不如轉場再食，喺最尾關頭，竟然發現咗一間新開嘅泰國餐廳，決定試下！環境幾好，都幾chill ，聽老闆講佢地係新開嘅，全個廚房都係泰國人，橫掂無乜idea想食乜，不如就叫老闆話事幫手order 啦！先黎一個豬頸肉船麵湯配斑蘭麵！有別其他船麵，斑蘭麵份量好多！麵底帶有淡淡的斑蘭味，而且麵質彈牙帶勁，湯底濃而不咸，略帶甜辣，味道層次十足，再加上爽口入味嘅豬頸肉同炸豬皮，招牌果然是招牌，好好味！海鮮冬蔭功好足料兼惹味！又酸又辣，好彩一早分咗兩碗，友人直頭食到唔停口，如果唔係我就無得食！蒜蓉金磚又係好出色！個包每邊都烘過，而且每邊都搽咗適量嘅蒜蓉，唔會太多亦唔會太少，份量啱啱好！其實仲食咗其他，包括生蝦刺身，海南雞，串燒拼盤同椰汁紅豆糕等，全部都有驚喜，好似海南雞好滑，生蝦亦好新鮮！食完之後同老闆吹水，佢話好多味道都係師傅專登調整過，好似個船麵湯底咁，比傳統嘅無咁濃同杰身，話要配合返香港人嘅口味喎，真係好鬼貼心！而且仲話個menu 未fina
睇咗一陣，晚飯時間又到，望見一間又一間無開嘅食肆，友人本來提議不如轉場再食，喺最尾關頭，竟然發現咗一間新開嘅泰國餐廳，決定試下！
環境幾好，都幾chill ，聽老闆講佢地係新開嘅，全個廚房都係泰國人，橫掂無乜idea想食乜，不如就叫老闆話事幫手order 啦！
先黎一個豬頸肉船麵湯配斑蘭麵！
有別其他船麵，斑蘭麵份量好多！麵底帶有淡淡的斑蘭味，而且麵質彈牙帶勁，湯底濃而不咸，略帶甜辣，味道層次十足，再加上爽口入味嘅豬頸肉同炸豬皮，招牌果然是招牌，好好味！
海鮮冬蔭功
好足料兼惹味！又酸又辣，好彩一早分咗兩碗，友人直頭食到唔停口，如果唔係我就無得食！
蒜蓉金磚又係好出色！
個包每邊都烘過，而且每邊都搽咗適量嘅蒜蓉，唔會太多亦唔會太少，份量啱啱好！
其實仲食咗其他，包括生蝦刺身，海南雞，串燒拼盤同椰汁紅豆糕等，全部都有驚喜，好似海南雞好滑，生蝦亦好新鮮！
食完之後同老闆吹水，佢話好多味道都係師傅專登調整過，好似個船麵湯底咁，比傳統嘅無咁濃同杰身，話要配合返香港人嘅口味喎，真係好鬼貼心！而且仲話個menu 未finalize 架，仲會加多d選擇添！
講真，呢間餐廳真係有返咁上下水準，而且又唔貴，服務又好，係一間會放入袋嘅餐廳！以後除咗換車又多咗個理由過黎lu😂~
张贴
