影片
更多
2018-06-09
1056 浏览
好耐冇上黎寫食評，今日去完呢度，就想上黎幫呢間餐廳洗脫一下啲負評嘅污名。周六下午要約另一個有小朋友嘅家庭午飯，努力搜尋親子餐廳之下搵到呢間。從網上介紹見到地點，環境，設施都完美，不過睇到好多負評，投訴服務好差、侍應黑面..etc，起初真係有啲擔心，仲有諗過洗唔洗轉地方... （好在冇！）兩星期前打電話黎訂枱，聽電話嘅職員好有禮貌，已經有番小小信心，之後一星期餐廳有發whatsapp reminder連同交通資料，好細心。我whatsapp番詢問停車場泊車，對方都好快回覆，詳䀆有禮。到用餐當日，去到餐廳現場已經覺得環境氣氛好正，樓底好高，落地玻璃好開陽，地方好闊落空間感好夠，椅桌簡潔乾淨舒服，小朋友又有high chair提供。玻璃出面就係一大段戶外兒童遊樂設施，真係冇得輸。好多嘢玩，我地兩個三歲小朋友玩得好盡興。最緊要係一坐低之後，之前對黑面服務負評嘅憂慮已經即時一掃而空，今日現場所見，所有職員都好nice！老闆都在場（唔知係咪原因之一），好風趣健談，而幫我地落單嘅職員叔叔都好友善有禮，仲好幫手推介菜式，介紹咗我地食香草燒雞，真係好好食！食物質素整體而言都比我地預料中好，賣相、味道都v
最緊要係一坐低之後，之前對黑面服務負評嘅憂慮已經即時一掃而空，今日現場所見，所有職員都好nice！老闆都在場（唔知係咪原因之一），好風趣健談，而幫我地落單嘅職員叔叔都好友善有禮，仲好幫手推介菜式，介紹咗我地食香草燒雞，真係好好食！食物質素整體而言都比我地預料中好，賣相、味道都very good，加埋現場環境氣氛，大家都食得好愉快。小朋友出出入入玩來玩去，最後食埋甜品，我地逗留咗差唔多四個鐘，啱啱好光顧餐廳又有免費泊車四個鐘，非常完美。我地同另外個家庭都話呢度絕對值得再黎，整體比我地去過港九嘅其他親子餐廳都好好多。冇得彈，期待下次再來。
张贴