影片
更多
2019-11-27
87 浏览
同女友去開九龍灣睇戲同shopping ,順道食埋晚飯，晚上8點幾商場大部份店鋪都關了，唯獨呢度仲傳來幾好聽既歌聲同人氣，我哋都俾佢吸引左入去！入到嚟見到有歌手為大家落力地賣唱，氣氛非常好，撞啱有人生日，也非常有心機彈出生日歌為場內增添不少歡樂氣氛，呢度感覺有如高級餐廳般，坐位闊落，環境舒適！落單嗰時見到有人拎外賣過隔離好似公園佈置既餐廳度食，八卦行去睇下先知原來係狗餐廳，即係可以帶埋狗狗入去食飯既餐廳！估唔到仲有專為狗狗而設既餐單，真係非常窩心！過完去狗餐廳行過圈，賣相不錯既小食已經好快咁送到嚟檯上！小食有煎得幾香又爽口既泰式魚餅六件，仲有爽滑既泰式鳳爪，酸酸辣辣，一個唔錯既開胃菜！魚餅大大塊，份量十足，重點係幾香同幾爽口！凍泰式奶茶，大量忌廉，少左傳統泰式奶茶過份既甜，多了一分茶香，忌廉都令奶茶更香滑，喜歡傳統泰式奶茶既朋友未必啱，不過我又幾喜歡！等左一陣聽下歌仔，好大份既又脆卜卜既德國豬手配蜜糖芥末籽醬都出場上檯了！隻豬手真係好大隻，大食如我嚟講，一個人食都會覺得多，兩人share嚟食就最好不過，外皮卜卜脆，入面既肉有爽口，有嫩滑，視乎邊一d部份，我最鍾意由皮加埋d肥膏，再加埋d
入到嚟見到有歌手為大家落力地賣唱，氣氛非常好，撞啱有人生日，也非常有心機彈出生日歌為場內增添不少歡樂氣氛，呢度感覺有如高級餐廳般，坐位闊落，環境舒適！
落單嗰時見到有人拎外賣過隔離好似公園佈置既餐廳度食，八卦行去睇下先知原來係狗餐廳，即係可以帶埋狗狗入去食飯既餐廳！
估唔到仲有專為狗狗而設既餐單，真係非常窩心！
過完去狗餐廳行過圈，賣相不錯既小食已經好快咁送到嚟檯上！小食有煎得幾香又爽口既泰式魚餅六件，仲有爽滑既泰式鳳爪，酸酸辣辣，一個唔錯既開胃菜！
魚餅大大塊，份量十足，重點係幾香同幾爽口！
凍泰式奶茶，大量忌廉，少左傳統泰式奶茶過份既甜，多了一分茶香，忌廉都令奶茶更香滑，喜歡傳統泰式奶茶既朋友未必啱，不過我又幾喜歡！
等左一陣聽下歌仔，好大份既又脆卜卜既德國豬手配蜜糖芥末籽醬都出場上檯了！隻豬手真係好大隻，大食如我嚟講，一個人食都會覺得多，兩人share嚟食就最好不過，外皮卜卜脆，入面既肉有爽口，有嫩滑，視乎邊一d部份，我最鍾意由皮加埋d肥膏，再加埋d肉一齊食，真係口感十足！
除左咸咸地既豬手惹味外，千祈唔好漏左d酸菜同菠蘿！ 酸菜可以中和返d肥膩既感覺，又可以增加口感，諗起都流晒口水！
而最後上檯既冬陰功大蝦意大利飯，就係我哋今晚最後一個主食，大大碟勁香冬陰公味既炒飯，黏黏地既汁，配上有咬口既意大利飯，都幾惹味，如果再炒多幾炒乾身d我個人會仲喜歡！ 天然既蕃茄仔味配上香料，味道非常出色！
呢個炒飯用料十足，大大隻爽口既大蝦足夠2人享用！
呢餐飯由環境到食物質素，幾令人滿意，最重要聽左成晚好歌，令到我哋有個輕鬆愉快既晚上！
张贴
