今日喺西灣河唐記包點買點心，估唔到店員啲態度可以咁差，店長或者管理層有必要正視！
排喺我前邊嘅係一位婆婆婆，攞住$20想買菜肉包，店員話‘冇’。之後婆婆想買芋頭包，店員又話冇。
我相信婆婆因為年紀大所以聽唔清楚嗰位廣東話唔正嘅後生女店員講乜嘢。
婆婆重複又話要菜肉包，嗰位店員非常唔耐煩咁話除左菜肉包同芋頭包，乜都有。
婆婆再一次問有乜包，店員好惡咁鬧個婆婆話冇菜肉包同芋頭包。然後，佢居然唔理婆婆，直接問我要乜嘢。
我話「你等婆婆揀左先啦」，然後幫忙指幅圖話俾個婆婆聽冇邊啲，得邊啲。原來婆婆睇唔清楚啲圖，咁我讀完俾佢聽，佢揀左買左。
可憐婆婆係客人，買個包俾人鬧要受氣，個樣好委屈想喊咁。
我今次買咗個雞扎，味道OK嘅，但相信以後唔會幫襯。價錢係平，但係香港仲有好多選擇。
