稜閣屋 (已結業)

星期二晚上8點幾放工後好想食芝士火鍋，一諗就諗到呢間。大約9點去到，唔係太多人，可以坐卡位鬆動d。2個人各自叫左個芝士火鍋，加左3樣配料，分別係牛肉，年糕同壽喜燒。芝士火鍋好多料，有菜、蟹柳、壽喜燒、芝士丸、芝心獅子狗等，湯底係芝士濃湯。個火鍋好快滾，幾分鐘幾滾，10分鐘就食得，d料吸曬d芝士湯，非常好食。火鍋仲有1個麵同牛肉，芝麻醬，將牛肉點芝麻醬食非常夾，仲可以添醬，唔夠水可以加普通湯。落年糕落去慢慢煮，吸左d芝士味非常滿足。1個人食個火鍋唔加料未必夠飽，但係味道非常好。