影片
更多
2016-10-14
191 浏览
今晚約左食肉獸朋友到上環一聚，我即時諗起呢間，因為呢間我之間食過印象好好，食物質素又唔錯，朋友一定會滿意～閒日7點鐘去到未見人多，但過一陣就滿座嚕～每枱都會有個電爐，而店員就會將所點既食物送到客人枱上，然後喺客人面前將食物燒好及分好～好好服侍～又會主動添水及換燒網～餐廳面積唔大但整潔，有客枱座位之餘亦有吧枱可坐，任君選擇～每位枱面會放上燒肉汁及青檸汁，但店員建議盡量唔好點醬汁食，因為食物味道夠，其實唔需要醬汁調味，而且想客人品嚐食物本身既鮮味～首先點小食：《雞泡魚乾 $35》首先原塊上，然後店員會燒熟再剪成條。好香而且唔韌，再配上沙律醬食原來味道撞起嚟好夾！如果佐酒食仲正～《菜沙律 $59》新鮮爽口、配有微酸既沙律汁，開胃之選！《芝麻汁秋葵 $》秋葵口感滑嫩，咬落爽口，秋葵籽亦大粒有咬口！配芝麻醬一流～《極級蟹膏帶子刺身（2件）$89》喺食肉之前先食刺身味道會嚐得更清～推介呢款極級蟹膏帶子刺身，大隻既帶子被一開二然後上表放上極香濃既蟹膏，而帶子刺身本身極為鮮甜，兩者一同入口甚為一種享受！《椒鹽霜降松阪豬 $79》平時對豬肉唔會特別喜歡，但呢款豬肉實在令我愛上！霜降松阪豬一聽已經知係靚豬
閒日7點鐘去到未見人多，但過一陣就滿座嚕～每枱都會有個電爐，而店員就會將所點既食物送到客人枱上，然後喺客人面前將食物燒好及分好～好好服侍～又會主動添水及換燒網～餐廳面積唔大但整潔，有客枱座位之餘亦有吧枱可坐，任君選擇～每位枱面會放上燒肉汁及青檸汁，但店員建議盡量唔好點醬汁食，因為食物味道夠，其實唔需要醬汁調味，而且想客人品嚐食物本身既鮮味～
首先點小食：
《雞泡魚乾 $35》首先原塊上，然後店員會燒熟再剪成條。好香而且唔韌，再配上沙律醬食原來味道撞起嚟好夾！如果佐酒食仲正～
《菜沙律 $59》新鮮爽口、配有微酸既沙律汁，開胃之選！
《芝麻汁秋葵 $》
秋葵口感滑嫩，咬落爽口，秋葵籽亦大粒有咬口！配芝麻醬一流～
《極級蟹膏帶子刺身（2件）$89》喺食肉之前先食刺身味道會嚐得更清～推介呢款極級蟹膏帶子刺身，大隻既帶子被一開二然後上表放上極香濃既蟹膏，而帶子刺身本身極為鮮甜，兩者一同入口甚為一種享受！
《椒鹽霜降松阪豬 $79》平時對豬肉唔會特別喜歡，但呢款豬肉實在令我愛上！霜降松阪豬一聽已經知係靚豬肉，只需要用椒鹽輕輕調味味道已經好出！脂肪分佈好靚，入口溶化但唔膩，上等豬也！
《鹽蔥牛舌 $89》呢款店員教要連蔥食並且適宜點檸檬汁食～ 牛舌香薄易咀嚼，而且表面既鹽帶出牛味，再配埋香蔥一併入口果然味道更佳，檸檬再幫助帶出鮮味～
《烤肉醬牛胸脊（牛五花）$89》牛五花已用烤肉醬醃製好，味道一定更出眾，燒過後水份甚多完全是牛汁，入味肉稔連肉汁，水準之作！
《椒鹽鯖花魚 $99》無魚不歡既我當然再點最少一款魚食，多款選擇中我選左鯖花魚～魚身掃上椒鹽，燒過後魚肉無變老仍然鮮嫩，魚皮被燒至帶微脆，食物好之外店員燒肉既功夫都唔錯！
《椒鹽豬大腸 $79》對大腸零興趣既我，食過呢間餐廳既豬大腸之後，對豬大腸完全更改放涼會改觀！豬大腸表面用椒鹽醃過完全無腥味，燒過後表面變得脆口，腸內脂肪又少，激讚！
《牛油去骨雞腿肉 $79》雞腿肉已去骨，所以啖啖肉～而肉質好滑完全唔會乾同鞋～而表面既牛油令雞腿肉燒時好搶火，令雞皮同燒香左更好味～
《一口雞翼 $79》
雞翼已開邊十分易食。同樣地雞皮被燒香唔錯～
《安格斯特級肉眼扒 $259》成塊安格斯特級肉眼扒上然後剪開放上燒網～店員燒至約半成熟，肉裡鮮紅，牛味濃！從表面已經見到塊扒好多肉汁，燒時水份完全被鎖住，扒靚之餘店員手勢亦抵讚～
最後點多個蔬菜拼盤～滿足～食物好之餘店員面帶笑容令人食得舒服，臨走仲同我地講拜拜，我從朋友既笑容睇得出我無介紹錯呢～
张贴
