愛上米線 (漆咸道南) (已結業)

早幾日打算上堂前同fd食啲野先，見到間裝修幾特別既米線鋪就去食，無諗過平平無奇，到處都有既米線鋪，呢間竟然做得禁好，食材有水準，仲要款式多，份量多，夠足料，好岩我口味！酸菜魚湯米線 $56午餐跟一杯飲品，仲有特飲冰感冬瓜茶飲，吾洗額外加錢！酸菜魚無骨，啖啖肉，魚肉仲好嫩滑，湯底都吾馬虎，微微辣，又有少少酸香味，酸辣味岩岩好，吾會太嗆口，幾正！功夫魚腐有機番茄湯米線 $68魚腐系自家製，以9:1既比例做出黎，幾有魚味，而且咬落無骨碎，彈牙！米線亦都幾有咬口，吾會太淋，放左一陣都無發脹，聽到隔離枱講話可以任添米線，不過本身份量已經好多，我已經食吾到更多。奶黃金沙豬柳肉 $28貌相一般既豬肉，出奇地好好食！佢既奶黃金沙好幼滑，吾會食到一粒粒既蛋黃粒，味道幾好，吾會太咸，太重蛋黃既油膩感，豬肉都夠嫩。問返店員先知原來佢地餐廳系用海鹽煮野食，成本都幾高下。葱油餅配滕朝野菌雞粒 $36葱油餅幾薄，幾乾身吾油膩，滕朝野菌雞粒以一小碗上枱，份量較細，但好香麻辣味，夾埋一齊食好惹味，幾創新既食法。櫻花蝦魚腐串 $18魚腐串加左海苔粉，變得好似日式小丸子。櫻花蝦混左入魚腐內，食落有淡淡既櫻花香味，鐘意食魚