孖啡 (已結業)

唔知有冇一個地方，大家去完之後係會想一去再去呢？相信呢個地方大家就一定會再去啦，因為佢叫「嗎啡」，係一種毒品大家係會對佢上癮㗎！今日同朋友嚟到「孖啡」，呢間店有幾個意思，第一個意思係孖住去，一定要至少兩個人要上去光顧；第二，用個「啡」字係因為佢係一間咖啡室。一入到去，我同朋友每人叫咗個晚餐，晚餐價格雖然略嫌有點貴，但係食嘅嘢都唔錯。建議下次嚟到同一大班人哋好啲，咁就可以食到更多嘅嘢。我就食咗日式牛柳粒飯，佢就食咗黑松露飯。每一個餐都包一杯野飲但係如果超過＄38就要補差價，我哋叫咗一杯乳酪同埋藍莓果茶。日式牛柳粒飯裏邊有三色椒，但係略嫌太多獻汁，味道有點甜，但亦有黑椒的味道，牛柳的肉質很鬆軟，飯的份量亦適中，適合一個女士自己食。另外仲叫咗個小食拼盤，真係包羅萬有有咖喱角春卷雞翼同埋我最驚喜嘅蟹籽丸😍😍，蟹子爆出嚟嗰下真係好正，而且雞翼亦都烤得啱啱好。最後講下個花茶，佢有個火坐陣，能夠保持溫度，味道好酸因為有好多唔同既莓子，餐牌上面有寫明佢哋有啲乜嘢功效，例如提神、解毒和美顏等等，完全明白一班女士對美容同埋健康嘅追求。