九份茶舍 (已結業)

飲品店越開越多，今日黎試下九份先，新張期內凡惠顧都有買一送一券派。人頭湧湧，呢個位真係幾晒。新開張試左仙草古早味奶茶，大大杯夠凍，要左走甜，只靠仙草嘅甜味已經好夠，茶底好香，奶也滑，好飲。第二次同樣叫仙草古早味奶茶，但個茶味唔同左，無咁香喎。第三次叫左仙草碳焙烏龍奶茶，呢次個茶味似返第一次飲個杯，呢隻茶味正。成日飲一樣就試下新野碳焙烏龍珍珠奶茶，茶底一樣味道，仙草換了做地瓜珍珠，好有咬口，微甜不錯，但可能放得耐左，飲到一半啲珍珠瀜埋一齊，變成一堆珍珠啜不到，哈哈。餐牌，除左飲品，仲有芋圓甜品㗎。