影片
更多
2021-11-30
810 浏览
🤡熊妹作為大口仔十幾二十年嘅忠粉，大口仔開餐廳就梗係要捧場啦！📌十一月份開幕，聽聞排隊排到好長龍，樂妹好抵得諗，5:30到達，睇吓可唔可以食早場。果然平日未到食飯時段就真係比較冷清啲，所以即時有位，限時75分鐘，熊妹未到都叫住嘢食先啦。📌成間餐廳都怖滿着大口仔嘅裝飾，牆身全部都係大口仔，右邊係大口仔，前面係大口仔，餐枱係大口仔，以大口仔廚師為題，同埋佢班豬朋狗友一齊烹飪煮食，好似入咗大口仔之家咁，感覺好歡樂。 📌最驚喜係發現有大口妹嘅位置，其實熊妹係比較鍾意大口妹，女仔呀嘛。📌去得主題餐廳食嘢都預咗俾人調高個價㗎啦，一份意粉或者飯、小食或者甜品全部都會都係過$100，唔包嘢飲，忠粉嘛，即係盲粉啦。吉豬配他他醬定食， $169樂妹想食個吉列豬扒定食🍱，份量都正常喎有定食嘅小食，泡菜、魚餅，吉列豬扒正常大細，炸得都幾脆，豬扒又唔算太薄，點沙律醬一流，一碗飯，仲有碗麵豉湯，定食需要嘅就齊晒啦。定食樣樣食材味道都正常，唯獨是米飯有啲失望，唔係用上一般定食應該都會用嘅日本珍珠米🍚，只係平時普通嘅白米飯，食落去就無乜口感，同期望有啲差別。千島海鮮薄餅（9吋 ），$179熊妹不嬲唔好飯食，鍾意食雜食
📌十一月份開幕，聽聞排隊排到好長龍，樂妹好抵得諗，5:30到達，睇吓可唔可以食早場。果然平日未到食飯時段就真係比較冷清啲，所以即時有位，限時75分鐘，熊妹未到都叫住嘢食先啦。
📌成間餐廳都怖滿着大口仔嘅裝飾，牆身全部都係大口仔，右邊係大口仔，前面係大口仔，餐枱係大口仔，以大口仔廚師為題，同埋佢班豬朋狗友一齊烹飪煮食，好似入咗大口仔之家咁，感覺好歡樂。 
📌最驚喜係發現有大口妹嘅位置，其實熊妹係比較鍾意大口妹，女仔呀嘛。
📌去得主題餐廳食嘢都預咗俾人調高個價㗎啦，一份意粉或者飯、小食或者甜品全部都會都係過$100，唔包嘢飲，忠粉嘛，即係盲粉啦。
吉豬配他他醬定食
$169
23 浏览
0 赞好
0 留言
樂妹想食個吉列豬扒定食🍱，份量都正常喎有定食嘅小食，泡菜、魚餅，吉列豬扒正常大細，炸得都幾脆，豬扒又唔算太薄，點沙律醬一流，一碗飯，仲有碗麵豉湯，定食需要嘅就齊晒啦。
定食樣樣食材味道都正常，唯獨是米飯有啲失望，唔係用上一般定食應該都會用嘅日本珍珠米🍚，只係平時普通嘅白米飯，食落去就無乜口感，同期望有啲差別。
千島海鮮薄餅（9吋 ）
$179
7 浏览
0 赞好
0 留言
熊妹不嬲唔好飯食，鍾意食雜食，所以就揀個薄餅share嚟食🍕。
薄餅有九吋都幾大，餅底係薄脆薄身，即係唔買麵包厚底嗰種，面頭嘅海鮮有蜆肉同蝦肉🦐，份量都幾多，仲有芝士鋪面，不過千島醬就少咗啲，唔係幾食得出，如果多少少醬，味道酸味味會更加滋味。
朱古力心太軟&自製CREAMIA軟雪糕
$88
13 浏览
0 赞好
0 留言
心太軟都做得幾唔錯，一切開，濃濃嘅朱古力溶晒出嚟，用上黑朱古力🍫又唔係好甜，唔好朱古力嘅熊妹都幾鍾意食。
最驚喜係CREAMIA軟雪糕🍦，真係好軟滑，好重牛奶味，軟滑嘅質感又唔會好易溶，真係想直情叫一杯雪糕嚟食。
茉香芝芝奶蓋，$78樂妹鍾意飲凍飲🍹，清淡嘅茉莉茶撈上面頭嘅芝士奶蓋，味道正常，奶蓋仲用朱古力粉印有大口仔樣，就係咁樣先吸引嘛。
熱抹茶拿鐵，$88
熊妹就不嬲都係抹茶控，呢杯抹茶拿鐵🍵就真係非熊妹莫屬，因為散叫熱飲仲可以送埋熱飲杯，不過要去到一月先有貨。
抹茶味都幾重，有少少苦澀味，不過奶味就唔係好重，奶泡欠奉，上面都係用上朱古力粉印成大口仔樣，而唔係3D奶泡造成嘅大口仔，感覺就差少少啦，不過味道都OK嘅，至在要個熱飲杯姐。
📌埋單$480，兩個主食，兩杯嘢飲，一個甜品，仲有少少戰利品，杯墊，鎖匙扣同埋熱飲杯，可以同大口仔融入一齊食飯已經夠晒本啦。
📌惠顧堂食仲可以購買大口仔產品，公仔、遮、門薕、碗碟、牛仔布袋、熱水壺等等都好吸引！不過要去到出年一月份先收到貨。作為忠粉無可能唔收藏喇！咁就洗左成千蚊！盲粉嘛！
张贴
