影片
更多
2005-08-08
6 浏览
中銀咭主有優惠，８８蚊任食火鍋，送豬骨湯底跟胡椒粒一碟，豬骨湯同平時散叫６８蚊既份量冇變，豬骨料一樣咁多，中途亦係加湯不加水，雖然祇有一部份食物任點，但係都有三、四十款你揀，茶錢十二蚊一位，（侍應開茶前先講明白，我覺得已經比一般冇得揀，茶錢醬料錢你唔要都照收既食肆好得多）而且可以唔開茶，飲十二蚊一罐既汽水，想免費咪叫佢俾杯熱水你慢慢攤凍亦得，醬料錢每位十五蚊，包一碟辣椒粒同半碗豉油，如果另加其他醬料每款十蚊，點火鍋料張紙仲寫埋其他雜項錢，收費尚算交代得幾清楚同合理。招呼方面略嫌人手不足，兩三條友招呼十幾檯客，見佢同一時間不停咁招呼緊咁多人，我都唔好意思叫住，一等就起碼幾分鐘先有人得閒理你，好在Ｄ人一有時間就不停咁四圍同人加湯（仲加到鬼咁滿添），冇乜偷懶之嫌，漏單情況今次有改善，三條友點左差不多二十樣，淨係俾錯一樣，反正係任點任食，o岩食咪得囉，以佢地既工作量黎講都可以接受。前後叫左四碟肥牛，牛肉味幾好，可惜祇得一碟唔韌，建議先試一碟，頂得住先好再添食，叉燒包同奶皇包一樣咁掂，墨魚丸同魚皮餃都幾好，貢丸同黑椒牛丸都ok，節瓜、蘿蔔、粟米超甜，另外蕃茄同蔬菜都好新鮮，相比之下，今次既粟米蝦
招呼方面略嫌人手不足，兩三條友招呼十幾檯客，見佢同一時間不停咁招呼緊咁多人，我都唔好意思叫住，一等就起碼幾分鐘先有人得閒理你，好在Ｄ人一有時間就不停咁四圍同人加湯（仲加到鬼咁滿添），冇乜偷懶之嫌，漏單情況今次有改善，三條友點左差不多二十樣，淨係俾錯一樣，反正係任點任食，o岩食咪得囉，以佢地既工作量黎講都可以接受。
前後叫左四碟肥牛，牛肉味幾好，可惜祇得一碟唔韌，建議先試一碟，頂得住先好再添食，叉燒包同奶皇包一樣咁掂，墨魚丸同魚皮餃都幾好，貢丸同黑椒牛丸都ok，節瓜、蘿蔔、粟米超甜，另外蕃茄同蔬菜都好新鮮，相比之下，今次既粟米蝦丸就唔多合格，總括上以８８蚊黎講仍然算抵食。
見到下面幾個食評都唔太愉快，我又有多少意見，既然門口已經寫得咁清楚，８８蚊任點任食係中銀信用咭主優惠，點餐前侍應生冇向客人說明當然要負上最大責任，但係消費者係咪亦應該問清楚係咪可以通融一下，免郤不必要既尷尬呢？一般火鍋任點任食，湯底、茶、醬料同加一服務費四樣都係分開計，所以我覺得已經習以為常，祇要價錢唔太過份，咪當打埋條數落去囉，而且任點任食計落都係兩個人最抵，每樣份量少少可以試多幾款，送一個湯底錢都慳返成７５蚊啦，四條友就不如散叫，選擇多之餘埋單可能仲有著數。
张贴