影片
更多
2014-03-19
4943 浏览
之前一路好想試，但係長龍令我卻步，每次都見條龍排到大廈外面，最少等兩粒鐘，怕怕。今次去開附近做嘢，未到12點攪掂，唸住行去睇吓開左未，食個early lunch。11：45去到已經見樓梯有人排隊，心唸咁早就有人等，誇左d。不過唔理，一於等佢15分鐘等開門。12點正大門打開，人們慢慢進入餐廳，行近門口先聽到侍者係講普通話，台灣人？！個侍者話要個半鐘內交枱，冇問題，食晏好快啫。第一次唻，覺得佢裝潢幾簡潔，有大長枱，又有圓枱，幾feasible. 個個侍者都好後生同勤快，差唔多個個都講普通話，真係全部台灣人？！我地點左冰滴咖啡、抹茶latte、總匯三文治、玉米里肌起司可頌，可能真係要快回枱，嘢食好快到。先嚟總匯三文治，佢其實係類似公司治嘅照燒雞肉青瓜雙層三文治加蛋沙律同墨西哥脆片。份量唔細，食晒好飽，不過冇咩特別。玉米里肌起司可頌賣相吸引，鬆化牛角包中間夾左粟米、蕃茄、多層里肌肉同芝士醬，個餡超豐富，另外仲跟一小碗粟米同什菜沙律，個人鍾意依個多d。咖啡弄出名嘅冰滴咖啡，賣相好似好得，上枱時，侍者仲特別提你可以先試原味黑咖啡，之後根據自己口味，再加奶同糖水，幾細心。友人試後話味道淡淡地，唔落任
12點正大門打開，人們慢慢進入餐廳，行近門口先聽到侍者係講普通話，台灣人？！個侍者話要個半鐘內交枱，冇問題，食晏好快啫。
第一次唻，覺得佢裝潢幾簡潔，有大長枱，又有圓枱，幾feasible. 個個侍者都好後生同勤快，差唔多個個都講普通話，真係全部台灣人？！
我地點左冰滴咖啡、抹茶latte、總匯三文治、玉米里肌起司可頌，可能真係要快回枱，嘢食好快到。先嚟總匯三文治，佢其實係類似公司治嘅照燒雞肉青瓜雙層三文治加蛋沙律同墨西哥脆片。份量唔細，食晒好飽，不過冇咩特別。玉米里肌起司可頌賣相吸引，鬆化牛角包中間夾左粟米、蕃茄、多層里肌肉同芝士醬，個餡超豐富，另外仲跟一小碗粟米同什菜沙律，個人鍾意依個多d。
咖啡弄出名嘅冰滴咖啡，賣相好似好得，上枱時，侍者仲特別提你可以先試原味黑咖啡，之後根據自己口味，再加奶同糖水，幾細心。友人試後話味道淡淡地，唔落任何奶同糖都得，否則可能會蓋過咖啡味。我要左抹茶latte，佢個名好台灣，我唔記得佢喺餐牌個名，不過，味道好好，夠濃抹茶味，上枱時，侍者跟左個細細嘅打蛋器，話有需要時，可以用個打蛋器，攪吓沉澱左嘅抹茶粉，幾得意。
未食之前，唸住食完正餐，可以試埋甜品，好想試waffle。睇餐牌見好靚，見隔離枱食，好吸引。可惜，太飽。唯有等下次，人龍短d再嚟試啦。
张贴
