華加士餐廳 (已結業)

同遊客朋友一齊去食晚餐,之前食過一次,唔錯,所以再去番呢間.入到重慶中間就會有人問"食咖哩?",見到有一張係華加士,我話"呢間",然後佢就帶咗我哋上去,好過自己四圍搵.佢仲俾咗張新嘅會員卡我,卡上有寫係蔡瀾推介,靚過舊卡.一入去,裝修過靚好多,d枱櫈都好新淨(比起以前),仲有藍燈照住d畫,格調高咗.今次點咗:炸洋蔥($25): 味道確實不錯,但唔係洋蔥圈,而係洋蔥碎,唔算好油,有濃香草味.友人讚.Chicken Masala ($65): 我哋兩人同讚嘅咖哩雞,有5件雞,唔覺辣但又好好味,咖哩汁配合naan一齊吃,雞就用唻送飯,剛剛好,正!黃飯 ($25): 餐牌係寫"各式飯",因為個飯唔只係黃飯,仲有白飯混合,我問個伙計,佢話呢個就係黃飯,所以要咗呢個.ok.Plain Naan ($15): 鬆軟嘅薄餅,雖然無乜味,但同咖哩汁同吃其實好正.而且又平:-)點菜前送唻胡椒薄餅2塊加青白色嘅汁(原來好辣),用餐時又送唻兩杯水,記得上次佢係俾樽裝水要收費,心諗呢個前菜及水係咪都係收費嘅呢?去埋單時見到原來係免費兼有9折,真開心~友人亦想再唻食.