龍城冰室

营业中

休息中

今日難得同朋友出黎食到tea, 本來冇咩期望，只想搵間乾淨，坐得舒服又傾到計既地方。 經過龍城，就入去試下啦。下午茶時段都幾多人，好彩剛唔洗等位。 店員好好咁招呼我地去坐，都係QR code落單。 見到有個招牌海鮮花甲湯飯，好少見用湯飯做招牌，就試下啦。再叫左份煙三文魚牛角酥，配蝦多士。 我同朋友見竟然有檸檬利檳立，仲要有熱，即刻都要返杯。黎到真係好不俗wor, 熱檸檳好大杯，同好多檸檬，正wor。蝦多士黎到以為好細份，但原來涵料十足，層蝦醬超厚，仲要炸得好好味。煙三文牛角酥都好大件，唔差過係cafe食，而價錢梗係平好多啦。個海鮮湯飯真係好招牌，好多花甲，而且隻隻有肉好香，配茶樹菇係好出色。 餐牌有句（記得飲埋啲湯） 果然係真架。 成個湯飯好完美。 今餐下午茶真係食得好開心。