影片
更多
2021-08-25
26 浏览
有時真係同一集團唔同地方真係食物質素都有分別, 原本我係揀咗另一間中式四川菜, 因為見佢有個折扣, 但因為朋友想食下豬手咁就揀咗呢間, 講真一打開TST附近嘅德國菜都唔係好多, 記得以前景樂集團都有間係尖東, 不過都執咗而呢間咁以沙田果間The Salt Pig嘅, 我都唔知係咪同一間, 不過我想講, 佢呢間又幾好食, 連個豬手份量都唔細(所以真係食得好滿足) 而且因為叫得太多, 所以我地要食得好慢先叫做食咗D主菜!我地叫咗個招牌德國鹹豬手配烤薯, 酸菜但估唔到佢個豬手皮食到最後仲係脆口, 佢個酸菜唔太酸又唔鹹非常好, 肉亦都唔小.楓糖黑啤醬燒肋骨配椰菜沙律, 粟米, 薯條: 講吓佢個粟米平時係好飽嘅情況下我未必會食舊粟米, 不過佢個樣係烤得好吸引, 咬一口真係要食埋佢, 首先好甜, 又唔會烤到膿哂, 又多水份. 薯條又係唔會膿但佢非常脆口, 係薯條嘅方角位一咬就脆, 而入面仲係軟身, 呢個我係飽到連舊肉都唔食揀食薯條, 真係好好食英式牛肉薯批: 本來以為係好似雞批果款皮面, 來到當然唔係想像嘅款式, 但食落去又唔錯, 佢個薯蓉都焗到剛剛好, 有小小脆脆地係面(薯蓉咋都可以做到咁啱啱好
而呢間咁以沙田果間The Salt Pig嘅, 我都唔知係咪同一間, 不過我想講, 佢呢間又幾好食, 連個豬手份量都唔細(所以真係食得好滿足) 而且因為叫得太多, 所以我地要食得好慢先叫做食咗D主菜!
我地叫咗個招牌德國鹹豬手配烤薯, 酸菜但估唔到佢個豬手皮食到最後仲係脆口, 佢個酸菜唔太酸又唔鹹非常好, 肉亦都唔小.
楓糖黑啤醬燒肋骨配椰菜沙律, 粟米, 薯條: 講吓佢個粟米平時係好飽嘅情況下我未必會食舊粟米, 不過佢個樣係烤得好吸引, 咬一口真係要食埋佢, 首先好甜, 又唔會烤到膿哂, 又多水份. 薯條又係唔會膿但佢非常脆口, 係薯條嘅方角位一咬就脆, 而入面仲係軟身, 呢個我係飽到連舊肉都唔食揀食薯條, 真係好好食
英式牛肉薯批: 本來以為係好似雞批果款皮面, 來到當然唔係想像嘅款式, 但食落去又唔錯, 佢個薯蓉都焗到剛剛好, 有小小脆脆地係面(薯蓉咋都可以做到咁啱啱好, 非常利害)
水牛城辣雞翼配藍芝士醬: 佢個醬會比個足夠嘅份量你, 所以呢間餐廳真係唔會將貨就價, 雞翼亦都算好大隻, 不過佢個雞翼面醬汁多咗D, 所以另到個雞翼唔太脆口呢度就失咗D色, 但藍芝士醬ok因為要夠脆口先係另一個重點
脆辣雞柳條: 又係炸得啱啱好, 而且都唔算太乾身
烤原個芝士椰菜花: 好多芝士, 個芝士汁仲可以點薯條, 又真係幾好食
佢仲咁啱有優惠, 我都心大心細, 介唔介紹好呢, 因為我之前食過好多間抵食又好嘅餐廳好快就無咗優惠(因為我一覺得好都會戴唔同親友食幾次)所以我係會非常用心好介紹, 不過我都好想呢D店鋪會多D人欣賞, 講真大家錢就付出咗, 我好明白當食到嘅嘢係差, 心情係有幾差, 所以我都係寫出唻讚美下好食同失望嘅店鋪(4個人係咪叫得太多呢🤣）
PS: 順便一手提, 佢係枱度有2枝水, 因為我地無留意係咪有汽, 但見到想酌時得半枝, 就以為係普通水, 但一酌E有汽嘅就同番職員講好彩講完佢都信我地(亦都加上我地有叫飲品) 如果唔係要收58了, 所以都要小心
张贴
