Pop Bites (已結業)

星期一晚十點幾先搵野食. 近近地黎左呢度. 門口細細但入到去發覺都幾大. 裝修幾正. 牆身幾個mon+微波爐好似左太空倉… anyways, 似吧多過似餐廳. 但整體感覺舒服. 膠凳坐位, 不太舒服. 選擇幾多. 意粉, sandwich, 同好似幾多蛋糕揀. 星期六日公眾假期仲有all day breakfast. Mushroom Lasagna: 幾大碟. 好正. 勁多cheese. Lasagna剛剛好. 有咬口. Mushroom多食落感覺上冇甘滯. Parma Ham Melt: 有d失望. Dark Rye Bread上面好多grill cheese. 可惜個toast過火, 變得太硬. Parma Ham 好多, 但連埋sundried tomato+ onion就太咸. Side的Green Salad OK. 另外加左杯可樂.總結: 介乎笑面同OK中. 環境真係唔錯. 好似其他人甘講, 係一個幾好hea 既地方. Lasagna好好味. 但個grill cheese sandwich有待改善.