Bella Shine (已結業)

嘩真係估唔到入到嚟竟然有一個甜品位置仲要有沙律菜，各款既精美小食👍真係好正呢間餐廳係誤打誤撞入左去既😝因為呢排成日喺觀塘食到冇嘢好食覺得嘩但係入咗嚟呢一間見到價錢都唔算話好貴，同埋環境非常之舒服，有綠化顏色眼睛感覺好舒服！再加上嗰時咁啱塔上lunch，除咗有一個任食沙律吧套餐，自己都叫咗個主菜嚟食！諗住試下呢一間生蠔，同埋啲海鮮嘅食物，叫左個海鮮墨魚汁意大利粉😍，個意粉料真係非常之夠😝然之後蝦肉係有預先剝咗殼！味道非常鮮甜質地彈牙仲要有西蘭花作伴菜！非常健康！重點係墨魚汁味道食落自然唔會有味精嘅感覺！仲有幾大隻嘅墨魚，粟米粒非常鮮甜！食完之後終於可以嘗試食生蠔，一個人絕對食得飽亦都好滿足唔會覺得唔夠！講番生蠔質感先，質感非常飽滿，鮮甜完全冇腥味！仲有小小海水味新鮮！最後再配埋佢啲小食加甜品畫上完美嘅句號！飲品叫咗最簡單新鮮嘅凍檸樂，食完就鐘起飛😍