老夫子港式餐廳 (已結業)

九展的老夫子港式餐廳是我經常到的食肆， 因為我很喜歡到這裏睇戲，泊車又方便又容易搵位。 其實之前都有寫過老夫子餐廳的食評， 記得上次吃煲仔飯的，今次就要嚟試一試佢哋嘅燒味！ 點了脆皮燒腩仔雙拼飯配玫瑰油雞$60， 脆皮燒腩仔雙拼飯配叉燒$60， 飲品方面叫了一杯啡走和一杯熱杏霜。 首先講下脆皮燒腩仔， 脆卜卜的外皮，腩仔肉又林又嫩滑。 叉燒是半肥瘦的， 燒得好香啊！ 油雞的肉鮮嫩， 完全唔會感覺鞋口，老夫子餐廳的燒味做得真係唔錯喎！ 飲品就普通，跟出面的茶餐廳大致一樣。記得上次嚟嘅時候係聖誕佈置，今次已經換上新年裝飾啦，店內有農曆年的新年氣氛。 不得不提這裏的店員都好有禮貌，每次我們到的時候，有位櫃檯店員都記得我們，還會主動上前介紹餐廳新出的食物，感覺非常親切！