Bento Express by AEON (已結業)

睇有返食文先記得原來上次買外賣已經係八月尾嘅事，是晚又OT到要係公司食晚飯，黎左Aeon買，上次的冷麵麻麻，今晚試下熱嘅便當。買左山賊雞扒飯，晚上特價 $28，價錢上好抵。賣相ok，雞扒配上黑椒汁，雞肉算滑，雞皮不肥膩，汁幾濃味。旁邊有蕃茄仔，煮過的，軟腍咸咸地，豆角，紅蘿蔔粒，白蘿蔔片略略淖過，無乜味。雞扒下有椰菜，吸了黑椒汁幾好送飯，仲有半隻鹵蛋，無鹵水味又無蛋味。飯用上珍珠米，但完全無飯香。整體上……不難吃，但絕對唔稱得上好食，純為飽肚ok啦，特價後係好平嘅。