Bento Express by AEON (已結業)

今日得自己一個人食，所以去左買外賣返去食，漢堡扒好厚，有蔬菜同飯，個飯就硬左d，漢堡扒個汁太少，最後個硬飯食唔晒，有d浪費，但真平同係店面食只可企係到，所以我都係攞走返去食，唔太建議太多人一齊去食，因為堂食要企係到食，想坐只可以攞走啦！

喺九龍灣返工真係唔知食啲乜嘢好🤦🏻‍♀️🤦🏻‍♀️🤦🏻‍♀️有時晏晝一係就茶餐廳，再唔係宜家傢俬，有時都食到幾悶🤦🏻‍♀️🤦🏻‍♀️如果想食好啲都要差唔多成$100先埋到單😯😯感覺好唔抵🤔🤔所以有時我都會去aeon 買下外賣盒食😬😬特別佢過咗某個時間就會有減價!!!!!咁就更加抵食啦👍🏻👍🏻今次我一口氣買咗兩個便當✌🏻一個係雞扒炒麵，另一個係壽司拼盤，兩個便當夾埋埋單都係$60左右🙆🏻🙆🏻真係抵到爛又食到好飽好飽😋😋😋兩個便當食落都唔錯😬壽司拼盤都幾足料，只係舊飯大嚿左少少，不過都無傷大雅😋😋雞扒炒麵好夠味，雞扒正正常常咁啦，都幾大塊又抵食！不過建議大家如果食雞扒炒麵最好叮熱佢先食，咁會好味啲！

Bento Express by AEON, 逄星期三既特價日. 每星期三都會令我諗起AEON 既雞腿, 10蚊隻好抵又好味, 味道夠又大大隻.同時佢亦有唯一的那款超特價日式咖哩豬飯, 即食既話, 炸豬有時都可以又熱又脆, 但如果它擺一小段時間便可能不再脆了. 它飯底也夠軟, 性價比實在很高. 加幾塊錢還可以配熱咖啡一杯, 正.如果唔飽, 可以再加配各類炸物, 手巻或壽司/刺身, 隨你自己配搭, 也很不錯啊.可惜這里只有幾張企枱, 沒地方坐著吃, 如不想企著吃便要外帶了.

放假同肥髀睇完戲，行去Megabox食完甜品，返家前買懶人壽司做晚餐，超級市場內櫃臺都幾大，壽司款式都幾多，兩個人揀份大嘅雜錦壽司食！如果買完超市內都有桌椅坐低食（幾貼心）雜錦壽司（$108）透明膠盒包裝企理，比埋獨立包裝豉油芥辣！9款18件，幾抵食！三文魚、北寄貝、帆立貝、花之戀、甜蝦、墨魚、蟹籽軍艦、八爪魚壽司正常，連平時容易出事嘅蝦都好爽甜，而且唔會太薄！預製盒裝來講幾好味！盒裝壽司，懶人必選

睇有返食文先記得原來上次買外賣已經係八月尾嘅事，是晚又OT到要係公司食晚飯，黎左Aeon買，上次的冷麵麻麻，今晚試下熱嘅便當。買左山賊雞扒飯，晚上特價 $28，價錢上好抵。賣相ok，雞扒配上黑椒汁，雞肉算滑，雞皮不肥膩，汁幾濃味。旁邊有蕃茄仔，煮過的，軟腍咸咸地，豆角，紅蘿蔔粒，白蘿蔔片略略淖過，無乜味。雞扒下有椰菜，吸了黑椒汁幾好送飯，仲有半隻鹵蛋，無鹵水味又無蛋味。飯用上珍珠米，但完全無飯香。整體上……不難吃，但絕對唔稱得上好食，純為飽肚ok啦，特價後係好平嘅。

要留公司OT，好肚餓，落街買野食先，咁夜連七仔都無野賣，行去對面的megabox買便當吧，夜晚特價好平的。買了一個雞絲冷麵同一條手卷，特價後真係幾平嘅。賣相ok，粟米，蟹柳，青瓜絲同雞絲，叫住係應有嘅都有。味道方面……麻醬好好味囉，有佢撈咩都會變得好正，但麵太淋，同雞絲啲味怪怪地，係咪雪櫃唔夠凍？啲雞絲有啲叔叔地咁，食左幾條放棄。明太子手卷，個樣幾得。紫菜係易撕易包設計，手殘人一樣包得靚，因為分開包仲好脆，明太子酸酸辣辣ok，飯軟綿，兩者比較下手卷好食啲。

是日係週三 aeon 減價日人頭湧湧 除咗一眾母親要為屋企添置日用品之外 都好多辦公室文員購買午餐 我也不例外 購買了一個咖哩豬排飯 只售$15 好平呀～～但豬扒炸衣已經唔脆 感覺炸得未夠火喉 再都飯都好煮得好爛 唯有用咖哩汁補救一下 但感覺很差勁🙃 但平嘛 唯有忍耐一下 下次不要貪小便宜便是了

What to do when struggling between rice and noodles? Get both! Yes, it's possible and it doesn't even involve spending a fortune or overeating. I found the solution to my dilemma at Aeon. The little bento box was divided in two. One side consisted of sashimi rice and the other, soba noodles. The rice with cut salmon sashimi, crab sticks, egg and fish roe was refreshing and light. The noodles mixed with soba sauce and small amounts of sesame and green onion was even lighter. Do eat the noodles fi