吉豚屋吉列豬扒專門店

今日想食吉豚屋但又唔想食飯，就試咗一個牛肉壽喜燒烏冬鍋，成鍋熱辣辣上枱，聞到甜甜嘅醬油香。

牛肉吸晒壽喜燒汁，入口甜香又唔會太膩。肉質嫩滑。烏冬煮得啱啱好，掛汁力強。吸晒壽喜燒湯底嘅精華，食落去每條都係甜香濃郁，啱晒鍾意重口味但唔想太油嘅人。鍋入面配料有娃娃菜、溫泉蛋、日式魚蛋，吸晒湯汁後好味，蔬菜令整鍋唔會太膩，溫泉蛋配牛肉令牛肉更滑。

本身牛肉壽喜燒烏冬鍋套餐既話係會配炸魷魚同有跟餐蘿蔔小食，但當日食唔到咁多就單點。想食得豐富啲就可以叫套餐！