甜蜜蜜甜品專門店 (已結業)

事源是日朋友K突然間約我食野行街。行左尖沙咀, 由海港城行到尖東, 傾傾傾傾到喉都沙所以就黎到厚福街食甜品。上次同朋友P同朋友Y黎到聞到好香既酥皮味但冇食到LOL所以今次黎到一定要叫一個有酥皮既甜品, 結果 -- 失望黎到係一隻大既碟上面有一個類似海鮮捲既一酥皮包......入面有芒果雪糕, 入面有芒果肉...酥皮係熱既, 雪糕係凍既, 食落有d 冰火既感覺但味道, 又真係唔係幾好-,-酥皮係好香, 但食落其實又唔係幾好食, 有點"林"。什果涼粉, 就真係同普通既什果涼粉冇咩分別-,-入面有什果, 有涼粉, 有椰果, 有芒果汁-,-幾解暑既, 但, 普通囉。