葡匯咪走雞葡國餐廳 (已結業)

葡國菜香港唔算好常見，自己都好似只係係澳門餐廳試過，近排自己好想explore 下葡萄牙文化，有個巴西朋友介紹呢間試下。 平時前菜鐘意叫沙律refresh下自己，里斯本沙律除左普通沙律菜之外，仲有Parma ham，羊奶芝士 同唔同款式既果乾，配埋調配好既醬汁撈埋一齊食，味道夠哂層次。馬介休球係葡國菜必食菜式之一，外層crust 夠哂脆口，入面rich 薯泥加鹹魚碎。葡式烤乳豬1/4隻，肉質夠嫩唔係全部都係脂肪，唔會醃到死鹹咁，炒飯入面有果乾同葡國臘腸，一啲都唔會膩！胡椒蝦有驚喜，胡椒味香唔會蓋過蝦既鮮味，蝦肉有彈性唔淋唔霉，隻隻都好想吸哂蝦頭入面啲精華。甜品揀啲可以打卡既野，情迷紅砵酒雪糕底下會加乾冰，上桌個時吸引左好多人望住，好似進入仙境一般，砵酒味濃但酒精濃度唔高，小朋友都食得。