一喜燒 (已結業)

早幾日同屋企人慶祝生日🥳，就帶咗佢地去呢間位於深水埗既福華街新開嘅一喜燒試吓新野😋😋呢間串燒店氣氛幾好， 人流又多， 但每張枱之間又有D 距離，抵讚！👍入到去一坐低， 點左我最鍾意既燒潮汕墨魚丸🦑， 墨魚丸夠彈牙，加上辣椒粉， 每一口都香脆可口。 之後叫左世一燒雞肶， 無錯，真係世一。 雞肶🐔肉質特別嫩滑，口感特別新鮮。我地仲叫左燒豆卜， 脆卜卜，食過番尋味👍！而霸王豬大腸， 連平時唔係好食內臟既我都抵受唔到佢既香味😎。 每一口都彈牙可口。完全停唔到！😋我地仲叫左燒羊腰串，燒雞腎串，燒台灣肉腸，同埋招牌一喜燒茄子皇。 樣樣都好好味😆😁！已經約左班朋友再去食多次，下次再寫下食評～🤤😋