影片
更多
2009-05-13
12 浏览
12-5-2009逃離西半山搵朋友食 dinner, 拉了陪我到大坑食越南湯河. 上次0個間湯底麻麻0地好飲 (http://www.openrice.com/restaurant/commentdetail.htm?commentid=1993785), 今次試試傳說中好好飲, 但又0係 Openrice 勁多劣評的呢間.揀了招牌火車頭湯河, 果然好食過出面0個間好多:-- 湯底: 夠熱, 味道極濃, 帶點藥材0個隻甘味, 跟住覺得個口有點甜, 仲好飲過呢間的 (http://www.openrice.com/restaurant/commentdetail.htm?commentid=1886928), 勁正! 結果又俾我飲晒. - 河粉: 屬幼身一類 (但唔係金邊粉來的), 頗滑, 不過腍了 d, 食食0下帶點糊口, 感覺一般.- 配角: 牛筋丸最好食, 雖然食食0下攝了「筋」入牙縫, 但肉味好濃又彈牙, 正. 生牛肉唔夠「生」, 食落頗嫩滑, 不過肉味麻麻; 熟牛肉就一樣無喱肉味, 而且好硬好韌, 唔好食; 牛筋腍滑, 「骨膠原」位豐富, 哈哈; 牛柏葉就夠爽口
逃離西半山搵朋友食 dinner, 拉了陪我到大坑食越南湯河. 上次0個間湯底麻麻0地好飲 (http://www.openrice.com/restaurant/commentdetail.htm?commentid=1993785), 今次試試傳說中好好飲, 但又0係 Openrice 勁多劣評的呢間.
揀了招牌火車頭湯河, 果然好食過出面0個間好多:-
- 湯底: 夠熱, 味道極濃, 帶點藥材0個隻甘味, 跟住覺得個口有點甜, 仲好飲過呢間的 (http://www.openrice.com/restaurant/commentdetail.htm?commentid=1886928), 勁正! 結果又俾我飲晒.
- 河粉: 屬幼身一類 (但唔係金邊粉來的), 頗滑, 不過腍了 d, 食食0下帶點糊口, 感覺一般.
- 配角: 牛筋丸最好食, 雖然食食0下攝了「筋」入牙縫, 但肉味好濃又彈牙, 正. 生牛肉唔夠「生」, 食落頗嫩滑, 不過肉味麻麻; 熟牛肉就一樣無喱肉味, 而且好硬好韌, 唔好食; 牛筋腍滑, 「骨膠原」位豐富, 哈哈; 牛柏葉就夠爽口, 都不錯.
平日唔食湯河, 只食豬頸肉飯的朋友就因為見唔到「目標」,「被迫」食生熟牛河, 唔知湯底0岩唔0岩佢口味?
仲有 share 食的沙爹串燒雞 (一客 3 串)... 沙爹汁有勁多花生, 不過本身香濃度一般; 雞肉就出奇地好, 又嫩滑又 juicy, 好食.
食物好掂, 環境亦頗靚裝, 不過星期一 8:xx pm 仍然多人到要等位, 亦要坐半露天位, 坐坐0下都幾熱; 招呼就唔係其他食評講到咁恐怖, 不過好就一定唔係0架喇, 食完快閃好了.
連加一每人約 $75, 唔算太貴, 好滿意的一餐飯. 下次0黎, 想食牙車快, 田雞腿, 海鮮湯, 燒鵪鶉...
仍然唔明點解咁多喊面?
张贴
