4號烤吧 (已結業)

星期日又到啦，同家人又去咗呢間餐廳食，佢哋主打烤魚同雞煲。今次試咗原味雞煲，唔辣嘅，有好多莞茜，薑蓉，同平時食開野味香辣嘅味道好唔同。呢個煲清清哋又滿有薑味唔錯嘅。雞件冇乜特別囉，份量叫咗一隻，好夠我哋三人食。另加咗兩隻燒蠔同幾份雞煲配料，例如白蘿白，雲耳，薯粉，生菜等等，呢啲特定輔料只係10蚊一份，好抵食，而且種類都有7-8款，其餘有拉麵，芽菜，娃娃菜，豬皮，薯仔片。今次失望點係佢哋留單，竟然上咗輔料15分鐘都冇上雞煲。原來個煲留咗單，最後等咗半個鐘先有得食⋯⋯中途又有啲菜上錯，需待改善。