最近非常流行石燒牛，即是將牛扒放係300度嘅火山石燒熟。呢間新開冇耐，係深水埗地鐵站行3分鐘左右就見到。
門口已經見到有自助點餐機，店員會教你點揀餐，而且講解詳細，話一般男仔揀300g都已經夠飽，因為真係幾大份。
價錢由$88起，扒類有200g/300g/400g揀，除了基本西冷/肉眼扒，更有稀有部位例如安格翼板，唔食牛亦有西班牙豬扒選擇，套餐已包飯同沙律及湯，仲要係可以任食，飲品可以另點。
安格斯牛小排 $178/300G份量非常多，起碼有十幾片，燒烤過程中油脂會滋滋地流出，香味四溢，牛肉口感柔嫩多汁，油花分布平均，口感不柴不膩。其實自己出去supermarket買都要起碼百幾蚊，真心抵食，而且性價比幾高！
