💗每個套餐包咗一份沙律、白飯、餐湯同飲品🥤。椰菜絲切得幼細，新鮮爽脆，可以配芝麻醬或柚子醋，食落甜甜酸酸，開胃之餘可以解膩🥗；珍珠米軟糯煙韌，面頭灑咗飯素🍚；牛骨湯飲落清甜濃郁， 裡面仲有紅蘿蔔、白蘿蔔同洋蔥，可惜唔夠熱🍲
💗安格斯翼板($128/ 200g)
屬於肩胛位，由於係經常運動嘅部位，肉質較結實，油脂較少，而且附有筋位，食落爽彈有嚼勁。旁邊仲有炸蒜片🧄、車厘茄🍅同迷迭香🌿點綴。
💗安格斯三角肥牛($128/ 200g)
屬於前肩胛位，油花呈大理石紋，肉筋較少，食落軟腍同時有咬口，味道鮮嫩而不油膩，牛味非常濃郁🐃
