價錢分兩個時段， 八點半前$138，八點後$158 ，放題任飲任食，有加一服務。
因我食的時間比較早，入座時人數不多，但隔咗約半個鐘，已差不多滿座。
點心可以即點即食，所以先點幾樣點心及先點湯底湯底，可以一邊食一邊揀火鍋配料，點心要了東哥蝦餃皇、鮮竹牛肉球、鮮人參灌湯餃及蟹籽燒賣皇。
當中我最喜愛食的點心是東哥蝦餃皇 及蟹籽燒賣皇，尤其是蝦餃爽口又鮮味。
至於湯底都有多款選擇，我要了個下火的芫茜皮蛋湯。
至於火鍋配料都有非常多款式，任點任飲任食，尤其開心！
美國頂級牛板腱，大理石紋，切得頗大件，牛味香濃。
美國頂級肩胛牛肉，牛肩胛切得頗薄，顏色鮮豔，牛味頗濃。
西斑牙豚肉，瘦肉當中帶點肥，不會太瘦，也比較好肉味。
鮮脆魚腩食落帶鮮味之余，脆口又油香！
牛柏葉腍中帶軟，不會韌，是食火鍋的好配料。
還有鮮雞仔、廣島蠔、粟米、炸魚皮、及丸類蔬菜、飲品……等，任飲任食，食得開心又美味。
