廣東燒味餐廳 (已結業)

　　寫呢篇食評之前，睇到前人嘅感受，嚇親，好彩呢晚無遇上之前嘅狀況。　　收工成十點鐘，個肚打晒鼓，有理無理即刻衝入去醫肚啦。　　估唔到咁夜都咁多人，八成枱有客。　　叫咗個燒肉叉燒飯，除咗本身肚餓，放乜入口都格外美味之外，呢一晚嘅燒味實在比平時出色。　　叉燒肥瘦適中，啱我口味嗰隻；另外嘅燒肉亦都係，唔會成舊都係肥糕，最估唔到係夜晚十點幾，啲燒肉嘅皮仲係脆卜卜！　　碟飯 HKD33.00；凍飲 HKD15.00，尖沙咀嘅地段，加上呢晚嘅食物質素，係抵食嘅一餐。