影片
更多
2023-05-27
120 浏览
有幾耐冇浦老蘭呢？真係耐到唔記得了, 疫情過後值得舉杯暢飲, 位於蘭桂坊的Beirut 除了是酒吧外, 也是間餐廳, 主打地中海菜。餐廳設 open area, 酒吧座位以高酒吧檯為主, 一般酒吧的夢幻燈飾。主餐方面以地中海菜為主, 沙律、佐酒小食、意粉、漢堡包及地中海烤肉等。Cyber drink menu, 烈酒、cocktail 、mocktail and 生啤也有 。Suntory premium black 黑生啤（HH$88 /380ml)有得揀, 一定係揀生黑啤, 麥味香得嚟又夠 fresh, 冰爽涼喉。地中海四醬配地中海包($168)朋友未食過地中海菜, 地中海四色醬拼盤係地中海菜嘅精髓, 必試食物, 四色醬拼盤包括中東茄子醬、鷹嘴豆醬、紅椒合桃醬同中東芝麻醬, 配地中海包。**鷹嘴豆醬 ~ 四醬中個人最喜愛的味道, 鷹嘴豆屬高纖高蛋白的營養食品, Beirut 的鷹嘴豆醬加了橄欖油及少許辣味香料調味, 質感幼滑與粗粒之間, 獨特的鷹嘴豆香, 鹹鹹哋, 微微的辣味, 配地中海麵包很美味可口。**紅椒合桃醬 ~ 外觀上有啲似咖哩醬, 入口香香辣辣, 富紅椒嘅清新香味及合桃
餐廳設 open area, 酒吧座位以高酒吧檯為主, 一般酒吧的夢幻燈飾。主餐方面以地中海菜為主, 沙律、佐酒小食、意粉、漢堡包及地中海烤肉等。
Cyber drink menu, 烈酒、cocktail 、mocktail and 生啤也有 。
Suntory premium black 黑生啤（HH$88 /380ml)有得揀, 一定係揀生黑啤, 麥味香得嚟又夠 fresh, 冰爽涼喉。
地中海四醬配地中海包($168)朋友未食過地中海菜, 地中海四色醬拼盤係地中海菜嘅精髓, 必試食物, 四色醬拼盤包括中東茄子醬、鷹嘴豆醬、紅椒合桃醬同中東芝麻醬, 配地中海包。
**鷹嘴豆醬 ~ 四醬中個人最喜愛的味道, 鷹嘴豆屬高纖高蛋白的營養食品, Beirut 的鷹嘴豆醬加了橄欖油及少許辣味香料調味, 質感幼滑與粗粒之間, 獨特的鷹嘴豆香, 鹹鹹哋, 微微的辣味, 配地中海麵包很美味可口。
**紅椒合桃醬 ~ 外觀上有啲似咖哩醬, 入口香香辣辣, 富紅椒嘅清新香味及合桃的果仁油香, 仲好似食到啲蘋果蓉嘅果香, 最刺激味蕾的一款。
**中東茄子醬 ~ 入口一啲都唔似平時食開嘅茄子味道, 可能加咗香草及番石榴, 味道唔似傳統茄子味, 多了一份香草的濃香。
**中東芝麻醬 ~ 這個醬的味道最難形容, 質感十分幼滑, 流質的糊狀態, 芝麻醬出左啲花生香味, 芝士非芝士, 酸奶非酸奶, 就是有啲芝麻香、花生香加奶的酸, 食完舌尖又有少許回甘的香草清澀餘韻。
正宗食法係搣開麵包, 將醬塗入麵包中間伴食。
地中海烤雞配薯條 ($238)即叫即焗的地中海香草焗雞, 上枱熱辣辣香噴噴, 雞皮烤得金黃焦香, 加埋陣燒烤香味, 睇見都流口水
烤雞脹卜卜, size 適中, 切開堪稱皮脆肉嫩, 雞皮薄薄一片, 燒得好香口, 雞肉肉汁豐富, 雞髀肉好嫩滑, 雞胸比較厚肉, 雖則冇雞髀雞翼咁嫩滑, 但都唔嚡口, 全雞烤前用香草及鹽醃好, 入口有淡淡嘅香草清新及鹹香, 想再惹味啲可以拈泰式甜酸烤雞醬食。
把烤雞一開二, 一人半隻, 咁樣食先夠滿足
大量乾身脆口薯條, 除咗可以拈附送的茄醬或燒雞醬, 仲可以拈地中海四醬伴食, 薯條配紅椒合桃醬香辣惹味, 最夾
张贴
