翠華餐廳 (已結業)

今日lunch老友嚟搵我食生日飯，佢話生日要食好啲，不過我都係鍾意去返我哋嘅老地方，翠華。條粉條竟然話想鋸扒，仲話一人一個添，我話不如嗌一個兩個人share，嗌咗個雜扒餐跟意粉，同埋幾乎每次嚟都叫嘅鮑汁玉蘭炒飯。個雜扒雖然鐵板上，但成個配套同對面 cheap 雞茶餐廳嘅雜扒飯感覺一樣，牛扒因為唔係薄切，鬆肉粉又落唔夠所以勁靭，我明白厚切係好但係都唔使咁有咬口牙，個雞唔錯，始終走過下油，個皮都幾脆。輪到個鮑汁玉蘭炒飯喇，食咗十幾廿次今次可以話係最渣嘅一次，完全跌曬watt，啲飯又太林，話哂呢度都係總部黎架，睇緊啲啦。