波士冰室 (已結業)

荃灣，真係一個好多美食嘅地方，同事介紹我過嚟依間波士冰室，話依到d雞翼好正，所以我就過嚟試下啦餐廳裝修得好靚，我大約7點左右坐底，唔需要等位，坐位都好舒適，唔會太迫夾我叫咗加量芝士腸仔焗意粉，真係好多芝士，撈好曬之後，d意粉仲可以拉絲，而且肉醬好足，意粉入口彈牙唔會太淋，肉醬汁好懷舊，好懷念中學時學生餐嘅味道啊同事叫咗雞翼撈公仔麵，瑞士汁香濃，雞翼好似有少少麻油味，好食，唔夠喉，所以叫多一份雞翼小食！另外多士係酥皮，帶有少少甜味，脆脆地又好香牛油味，咁多食物，只係160蚊左右，真抵食