影片
更多
2019-12-06
72 浏览
今日天氣開始轉凍，係時候要成班朋友一齊去打邊爐啦！左搵右搵，竟然俾我哋搵到一間可以先食卜卜蜆，然後再打邊爐嘅餐廳。餐廳名叫為食仔海鮮火鍋專門店，地點係旺角白布街，好易搵。今晚我哋一於做個為食仔！見到餐牌上面都有唔同種類嘅湯底，例如有冬陰公，喇沙，藥膳，咸菜豬肚，胡椒雞湯等等嘅特色湯底。見天氣咁凍我哋就叫咗胡椒雞湯作為湯底。哇！個煲嚟啦！聽講有成3斤嘅蜆喺度。個煲好香胡椒味，聞到都覺得好暖胃。上面仲有粒粒嘅胡椒粒喺度，應該一陣越煲越出味。啲蜆煲左一陣，就已經全部打開殻啦！每一粒好鮮甜，一啲都冇沙。食完蜆後，我飲埋啲胡椒湯底，飲完過嚟我個胃頓覺溫暖。另外我哋幾位為食仔嗌左以下食物攞嚟打邊爐: 和牛肩胛肉(日本鹿兒島A4)服務員推介俾我地，果然入口即溶，好香牛味。佢話可以用來點芝麻醬或者醋。鮮蝦水餃水餃🥟入面有大大隻蝦，味道比出面啲水餃專門店更為好味。芝士蝦丸好特別既蝦丸，入面係芝心，淥滾後入面啲芝士可以拉絲！出面好重蝦味，好吃。娃娃菜好甜啊啲娃娃菜！下次應該叫兩碟先得。自家黃金炸響鈴好邪惡啊個響鈴！上面係滿滿的咸蛋黃醬。但因為係自家製，緊係要一試！脆鯇片鯇片口感爽脆，冇乜骨，一啲都吾腥，我
見到餐牌上面都有唔同種類嘅湯底，例如有冬陰公，喇沙，藥膳，咸菜豬肚，胡椒雞湯等等嘅特色湯底。見天氣咁凍我哋就叫咗胡椒雞湯作為湯底。
哇！個煲嚟啦！聽講有成3斤嘅蜆喺度。個煲好香胡椒味，聞到都覺得好暖胃。上面仲有粒粒嘅胡椒粒喺度，應該一陣越煲越出味。啲蜆煲左一陣，就已經全部打開殻啦！每一粒好鮮甜，一啲都冇沙。食完蜆後，我飲埋啲胡椒湯底，飲完過嚟我個胃頓覺溫暖。
另外我哋幾位為食仔嗌左以下食物攞嚟打邊爐:
和牛肩胛肉(日本鹿兒島A4)
服務員推介俾我地，果然入口即溶，好香牛味。佢話可以用來點芝麻醬或者醋。
鮮蝦水餃
水餃🥟入面有大大隻蝦，味道比出面啲水餃專門店更為好味。
芝士蝦丸
好特別既蝦丸，入面係芝心，淥滾後入面啲芝士可以拉絲！出面好重蝦味，好吃。
娃娃菜
好甜啊啲娃娃菜！下次應該叫兩碟先得。
自家黃金炸響鈴
好邪惡啊個響鈴！上面係滿滿的咸蛋黃醬。但因為係自家製，緊係要一試！
脆鯇片
鯇片口感爽脆，冇乜骨，一啲都吾腥，我吾食魚都食左幾塊。
美國黑豚肉
黑豚肉既肉同脂肪分佈均勻，吾係太重豬味，點芝麻醬食冇得頂！
除咗打邊爐之外，仲見到有餐前小食同埋甜品，都覺幾特別，因為今次太飽，下次再搵機會試下！
另外一提，呢度係按碟收費，不是任食的，質素比出面啲任食邊爐有保證。
张贴
