靚煲皇 (已結業)

天氣雖然暖番D, 但班好朋友仍然相約打邊爐, 一於奉陪到底.最鍾意黎靚煲皇, 配料多選擇, 切合唔同朋友既口味.雖然多款, 但打邊爐點可以無牛, 肥牛展相對脂肪無咁多, 但入口特別彈牙, 好爽, 感覺無咁肥膩.牛胸爽名副其實食落真係好爽口, 味道濃郁, 薄薄地好易熟, 呢D部位唔係間間邊爐鋪頭有得食, 真係食得多都唔覺飽.仲有好正既黑牛柏葉, 又係好爽口既, 就咁淥一淥就食得, 每片都夠大片, 淥完都無縮到好細舊.湯底就係豬骨皇, 豬骨味道好濃, 唔肥膩, 最怕未食D湯底成層油, 呢個啱晒.