丼丼屋 (青衣城1) (已結業)

年初二去食飯諗住多人，所以早啲去等位。攞左籌之後，企埋一邊等，可能睇menu睇得太興奮，聽唔到叫number。過左一陣望下，居然過左1個號碼。走埋去問下門口既服務員，絕對有禮貌地問，佢反應如下：服務員：我叫左好多次架啦喎（不耐煩樣）我：我地企好近（指位置），但聽唔到⋯（委屈樣）服務員：我叫左架啦，叫左好多次，冇人應喎（更不耐煩樣）我：但我地真係完全聽唔到，可能啲聲去唔到個邊⋯服務員：我叫左架⋯⋯（無限loop)最後佢叫我地唯有等下一張枱。老實講，我唔係要佢道歉，只不過服務業係咪應該提供解決辦法，而唔係堅持自己做左野，又間接否定客人聽唔到依個事實呢？講返食物：刺身沙律-完全接受唔到！佢係一pat魚生撻落碟生菜片上面，好核突！芝士蛋卷- 依個好食，芝士有爆漿感覺，啲蛋又甜甜地，但唔夠熱滑蛋豬扒丼- 唔夠熱！啲飯同蛋暖和既狀態令我好尷尬-_-家人點既有：三文魚親子丼-三文魚唔夠熱，但魚生飯都可以牛肉石頭鍋丼-唯一一個夠熱，因為係石頭鍋，鍾意食蔥同洋蔥應該好滿足XD 唐揚溫泉蛋- 聽聞都ok服務態度如此加上食物質素不高，我唔會再去，至少唔去依間分店。