點點心

营业中

休息中

點點心係佐敦分店位置比較偏僻，但係都有好多食客排下隊喎…可能佐敦區無乜飲茶既餐廳啦，茶樓又唔多既原因啦。其實佢座位都幾逼下，桌與桌之間的距離係零呀，而且我地兩人先叫左七份點心，但都根本就唔夠位放，只可以向上伸延…食得有點辛苦，好彩佢勝在算抵食同都幾好味既。我地兩人叫左醬皇蒸鳳爪、蜜汁叉燒腸、晶瑩鮮蝦餃、蟹籽燒賣皇、賽螃蟹菜苗餃、千島蝦春卷、燒汁釀茄子。小店黎講點心選擇多，而且用料充，上菜速度快，樣樣都熱辣辣上桌，我特別推薦蝦餃同蜜汁叉燒腸。