今日食便當 @Freshlane (已結業)

真係無諗過外賣都可以做得甘精緻！呢間位於西營盤～今日食便當 主打外賣日式便當。有招牌同經典便當套餐，全部套餐配 日本珍珠米飯🍚 + 沙律🥗 + 前菜 + 甜品 + 飲品。而且主食、前菜同飲品都有多款選揀！今次我叫左2個套餐，分別係邪惡海膽醬燒和牛 & 柚子照燒雞扒。套餐一主食：邪惡海膽醬燒和牛($208)前菜：鮮牛油南瓜粟米飲品：日本蘋果汁甜品：啫喱ヅ 用左炙燒澳洲直送嫩滑M5和牛片，肉質夠腍同好香牛味，再配上自家製海膽醬，個醬汁好特別，出奇地同和牛味道好搭配😋 套餐二主食：柚子照燒雞扒 ($98)前菜：自家製梅漬蕃茄飲品：日本無糖麥茶甜品：啫喱ヅ 雞扒好大塊，肉質鮮嫩多汁再配上清新嘅柚子醬汁，減去雞肉嘅油膩感，好match好好味！私心推介，自家製梅漬蕃茄，一入口有啲甜甜地嘅梅酒味道，然後咬多幾啖就有蕃茄嘅酸甜味，食完好開胃。2個套餐都非常高質，而且超豐富，係一個好完美嘅外賣便當。同埋下單都好方便，可以透過whatsapp、網上外賣平台下單。