春和樓餃子店 (已結業)

慢無目的由佐敦行到油麻地搵食，早知去廟街d大排檔佢好過佢。十分十分之後悔走入o黎，係我近期覺得最難食的食肆。叫了一個餐包任揀一款餃子、炸菜肉絲、雪菜肉絲同擔擔麵都係任揀兩款，然後送兩杯豆漿。餃子揀左酸甜蕃茄餃，得個甜味，冇酸味道更加唔覺有蕃茄味；兩碗麵都好唔掂，擔擔麵唔辣又唔麻，都唔知係咩湯底，雪菜肉絲又冇味，雪菜唔得爽脆，買相似霉菜，d麵似係車仔麵個d油麵，同其他舖頭食個d簡直兩回事。另加碟清炒白菜仔，似係油浸多d。d人服務態度又唔好，愛理不理，得一、兩個人係樓面，見其餘d人入晒去水吧同廚房唱歌，真係有冇搞錯!