今助烏冬御膳 (已結業)

偶然出來旺角，途經雅蘭中心, 見食肆選擇多，又新又整潔， 決定落腳搵食。走咗一圈，睇過哂所有餐廳嘅餐牌，老闆話想食烏冬，所以決定到今助。餐廳唔算好大，但坐位寬敞，完全唔迫，而且勝在全個menu都係定食，要飯有飯，要烏冬有烏冬，仲有刺身又有壽司， 可以舒舒服服食餐安樂午餐，而家嘅旺角好難搵到。蛤貝味噌及牛肉烏冬份量大，前者味道洽當，唔會太鹹，後者又唔會太甜，好味。壽司亦絶不輕手，有5-6件，當中仲有帶子，抵哂。今餐價錢唔貴，2口子叫咗2個set 都係200左右，大滿足。 溫馨提示：食飽走嘅時候門外已經要等位，所以大家唔想等就要早少少嚟！