影片
更多
2014-07-23
1366 浏览
今日是星期日，一行六人到佐敦行街，發覺佐敦鋪頭變化都好大，可能因為自由行太多，再一次改變晒成個生態，到處都是金鋪化妝品店。行耐左爸爸肚餓，於是找東西吃，就在此時，眼前出現了一間外牆全是宣傳海報的鋪頭，門口仲見到什麼全店自家製、又識功夫、又全店得一個師傅、豪無副手一腳踢小店，還以「一試難忘，唯我獨尊」作結，唔知以為係神龍教定係什麼邪教口號以招門生。睇真啲，竟然係食雲吞麵的! (暈)由於太累了，見此家鋪早上客人唔多，於是志在嘆下冷氣下進入了。我們望了餐牌良久，終於下了決定:1.) 雲吞麵雲吞不是傳統一口一粒，而係大一點點，粒粒有明顯手指印，沒有"初"圓，賣相麻麻。先試啖湯，很清很甜，但真係無大地魚味，感覺似龍記湯底，不過人地先16蚊先，你就......雲吞其實好怕有指印，睇佢MOVIE講自己5分鐘包120粒？嘩，咁咪2.5秒一粒？會否因為咁快而包得唔靚。一咬，皮散，唔鬆化，似預先煮定，味道中規中舉，但呢個價錢.... 似乎可以再好D既。麵就都有輕微梘水味但可接受，但唔夠幼，唔似真正竹昇麵。(講看最下面小插曲)2.) 筋腩撈麵嘩，貴絕港九新界，仲貴過麥字頭，又試下你。一咬舊腩，好漿口，果種感
行耐左爸爸肚餓，於是找東西吃，就在此時，眼前出現了一間外牆全是宣傳海報的鋪頭，門口仲見到什麼全店自家製、又識功夫、又全店得一個師傅、豪無副手一腳踢小店，還以「一試難忘，唯我獨尊」作結，唔知以為係神龍教定係什麼邪教口號以招門生。睇真啲，竟然係食雲吞麵的! (暈)
由於太累了，見此家鋪早上客人唔多，於是志在嘆下冷氣下進入了。
我們望了餐牌良久，終於下了決定:
1.) 雲吞麵
雲吞不是傳統一口一粒，而係大一點點，粒粒有明顯手指印，沒有"初"圓，賣相麻麻。
先試啖湯，很清很甜，但真係無大地魚味，感覺似龍記湯底，不過人地先16蚊先，你就......
雲吞其實好怕有指印，睇佢MOVIE講自己5分鐘包120粒？嘩，咁咪2.5秒一粒？會否因為咁快而包得唔靚。一咬，皮散，唔鬆化，似預先煮定，味道中規中舉，但呢個價錢.... 似乎可以再好D既。
麵就都有輕微梘水味但可接受，但唔夠幼，唔似真正竹昇麵。(講看最下面小插曲)
2.) 筋腩撈麵
嘩，貴絕港九新界，仲貴過麥字頭，又試下你。
一咬舊腩，好漿口，果種感覺就係唔似食腩汁，似食得有”獻”既牛腩，味道好濃，但由於是撈麵，個人認為咸左D，湯麵怕扯好D，撈麵食完真係要飲水。腩本身好瘦，有D OK，有D就唔夠林。但你要我信黃牛水牛(睇番前幾篇食評)，我會話，功夫問題啦。筋就都算林，可能因為佢切得細，好過腩，你知啦，老人家，係挑剔D。
3.) 叉燒腸
其實食得叉燒腸都係搵命搏，明知係交貨來，哈哈。口感正常不過不失，豉油不夠香，腸粉米味欠缺。
4.) 炸(陰力)肉丸
見到呢個介紹真係笑左好耐，就好似做sales一樣，唔怕吹大D，最緊要有人信。肉丸算彈，可能真係有蝦膠，但整體偏黑，可能係油用耐左。如果用新油應該會好D。
5.) 油條
見到阿蘇張相就知好攪笑，我只見過人用鑊炸油條，佢竟用… 炸爐？新方法？D油明顯黑，又起泡，但爸爸想食，於是也叫了。
我沒有食，爸爸話唔好食，其他粥鋪油條唔會咁幼咁硬，有陣油益味，似來貨番炸多WOR。
整體而言，食物有待改進，可能有左報導後水準下降？希望會再做好D。整體計又唔係好差，但唔係報導講到咁好。例如雲吞可以即叫即煮，牛腩煮林少少，個醬唔好咁杰，落少D味精，咁先付合舊懷年代既清淡架麻。
其實仲有段小插曲:
話說我地食食下，有個後生仔戴眼鏡好衝忙咁入來，拎住幾包野，話鍾華記送麵黎，搵人簽收，個時開始忙，條友等左好耐先有人SO佢，我仔細望佢果幾包野，好眼熟，似係人地鋪頭”鄧麵”果哦包裝紙。我上網查過，原來係香港一間麵廠!!! 不是話自家打的嗎？我好懷疑囉。
张贴
